Perlas culturalasVista detagliada

Ils giuvens solists da chant da tut l’Europa, l’atmosfera incumparegliabla dal chastè da Haldenstein e la renumada Filarmonia da chombra dal Grischun procuran per las elegantas sairas d’opera en il chastè da Haldenstein.

Al nord da Cuira, da vart sura dal Rain, vegnan inscenadas dapi il 2001 en l’ambient istoric dal chastè da Haldenstein grondas represchentaziuns d’opera. En la curt dal chastè pon las aspectaturas ed ils aspectaturs giudair ils artists e l'acziun a moda directa ed intensiva. Al cumenzament da la saira introducescha il dirigent l’opera en il rom d’in apero. Ils commembers da l’ensemble sa preschentan gia avant la premiera a las matinadas da la dumengia cun brunch en il curtin da rosas dal chastè.

Ils giuvens solists talentads vegnan tschernids cun agid d’ina concurrenza organisada sin plaun internaziunal aposta per quell’occurrenza. Cun passa 400 annunzias da 34 naziuns è l'opera en il chastè s’avanzada a la pli impurtanta instituziun svizra che promova la generaziun giuvna da chant.

Il 2009 festivescha la Filarmonia da chombra dal Grischun ses giubileum da 20 onns. Il manader artistic ed iniziant Marcus Bosch – en il fratemp da chasa en las grondas operas da l’Europa – vegn a prender cumià da Haldenstein cun ina producziun da giubileum extraordinaria: «Carmen» da Georges Bizet.

Program 2009

Carmen

Contact:
Schlossoper Haldenstein | Via da la Staziun 14 | Chascha postala 484 | CH-7002 Cuira
tel. +41 81 253 09 44 | info@schlossoper.ch | www.schlossoper.ch

Infurmaziun per turists:
Il program accumpagnant multifar da la Schlossoper Haldenstein chattais Vus sut www.schlossoper.ch . Nus arranschain gugent offertas per gruppas ed offertas pauschalas (entrada en l’opera incl. pernottaziun e transfer), sco era purschidas individualas per firmas.