Perlas culturalasVista detagliada

Il Tripticon da las Alps «La vita – La natira – La mort» intganta adina danovamain ils visitaders dal Museum da Segantini a San Murezzan – era sco in dals davos maletgs programmatics dal Fin-de-siècle.

Giovanni Segantini, il renumà renovatur da la pictura alpina ed il simbolist celebrà, ha passentà ses ultims onns da la vita en l'Engiadina. Qua ha el creà intginas da sias ovras las pli impurtantas. Il Museum da Segantini, endrizzà il 1908 sco ina spezia da lieu commemorativ per il grond artist, permetta in inscunter cumplessiv cun si’ovra. Sper il Tripticon da las Alps pon ils visitaders e las visitadras era vesair maletgs da pli baud che Segantini ha creà en la regiun da Brianza, picturas e dissegns da ses segiurn a Savognin e da ses onns passentads en l'Engiadina – tranter quels era il renumà maletg «Ave Maria traversond il lai».

Il museum da Segantini realisescha da temp en temp era exposiziuns temporaras: «Back Home – Otto Fischbacher Giovanni Segantini Stiftung» (2001), «Giovanni Segantini: Ave Maria – Idyll, Andacht und Sinnbild» (2004), «Segantinis Magd: Muse und Modell» (2008).

Temps d’avertura:
mardi fin dumengia 10.00 – 12.00, 14.00 – 18.00, glindesdi serrà

Contact:
Museum da Segantini | Via Somplaz 30 | CH-7500 San Murezzan | tel. +41 81 833 44 54 | info@segantini-museum.ch | www.segantini-museum.ch