Perlas culturalasVista detagliada

Renumads musicists internaziunals procuran durant l’enviern, ensemen cun excellents musicists grischuns, per sairadas nunemblidaivlas da musica classica, jazz e folclora. La stad vegnan organisadas operas sin la tribuna idillica en il guaud e sut tschiel stailì.

Arosa Musik Festival
L’Arosa Musik Festival, realisà per l’emprima giada il mars 2008, è il pli giuven dals festivals grischuns. Ed el è l’emprima occurrenza che metta en il center ils artists indigens. Musicistas e musicists extraordinaris dal Grischun survegnan la chaschun da far musica ensemen cun artistas ed artists renumads sin plaun (inter)naziunal. Las localitads singularas sco l’enconuschenta baselgetta «Bergkirchli» u la bella sala panoramica da l’«Arosa Kulm Hotel» fan il festival anc pli attractiv.

Arosa Musik Theater
La tribuna en il guaud, nua che vegnan represchentadas la stad dapi il 2002 grondiusas sairadas d’arias e d’operas, è vegnida construida avant 50 onns. Il concept dal festival cumpiglia sairadas d'arias sut il titel «Opera sotto le stelle» ed in’inscenaziun d’opera adattada a la tribuna extraordinaria. Ils puncts culminants èn stads enfin ussa las quatter operas da Mozart «Der Schauspieldirektor», «Die verstellte Gärtnerin», «Bastien & Bastienne» e «Zaide», sco era l'opera da Haydn «La Cantarina». Represchentadas vegnan las inscenaziuns da musicists e chantadurs da la Svizra e da l’exteriur.

2010
«Don Pasquale» da Gaetano Donizettis

Contact:
Arosa Musik Theater | Circul cultural Arosa | CH-7050 Arosa | tel. +41 81 353 87 47 | info@kulturkreisarosa.ch | www.kulturkreisarosa.ch

Infurmaziun per turists:
L'Arosa Musik Theater e l’Arosa Musik Festival vegnan sustegnids da var 20 hotels da tut las categorias. Ils giasts d’hotel profitan tranter auter da cartas d’entrada pli favuraivlas. Empustaziuns e reservaziuns pudais Vus far mintgamai a partir da mez december per l’Arosa Musik Festival ed a partir da mez avrigl per l'Arosa Musik Theater.