Perlas culturalasVista detagliada

La stagiun d’atun dal Teater da Cuira - Internaziunal ed a medem temp regiunal: il Teater da Cuira preschenta artists renumads sco Luc Bondy e porscha era a producents da cultura indigens ina plattafurma. Uschia sa sviluppan en il Teater da Cuira adina puspè novs experiments e dialogs culturals.

Dapi la stad 2006 sa chapescha il Teater da Cuira sco champ experimental per reflectar davart l’art figurativ en il spazi alpin. Il teater, il saut e la musica fan part dal program a moda eguala. En il center stattan damai las represchentaziuns che cumpiglian pliras spartas, sco era artists indigens e giasts dals pajais vischins.

La stagiun d’atun dal Teater da Cuira ha mussà l'october ed il november in program internaziunal da teater e da saut, inscenà da reschissurs renumads: il Teater da Cuira ha gia pudì beneventar Christoph Marthaler, Peter Brook, Dimiter Gotscheff ubain Lukas Bärfuss. Ultra da quai envida el era teatristas u teatrists talentads, però anc nunenconuschents. Il program tracta mintgamai in tema spezial.

Contact:
Theater Chur | Zeughausstrasse 6 | CH-7004 Cuira
secretariat: +41 81 252 25 03 | Cassa: +41 (0)81 252 66 44
info@theaterchur.ch | www.theaterchur.ch

Infurmaziun per turists:
Vus pudais cumbinar ina visita al teater da Cuira cun in’entrada en in museum u cun ina spassegiada tras l’interessanta citad veglia. Per arranschaments, cussegliaziuns e reservaziuns d’hotel contactai p.pl.:
Cuira Turissem
Center d’infurmaziun a la staziun | CH-7000 Cuira
tel. +41 81 252 18 18
info@churtourismus.ch | www.churtourismus.ch