Perlas culturalasVista detagliada

Musica classica, giuvens talents ed inscunters internaziunals sin il pli aut nivel artistic: l’occurrenza Davos Festival vala entant sco ina da las plattafurmas las pli impurtantas per giuvens musicists talentads da tut il mund.

Dapi passa 20 onns reusseschi al Davos Festival da laschar reviver mintga stad danovamain l’idea da ses fundatur Michael Haefliger. En in’atmosfera famigliara vegnan preschentadas ovras che satisfan a las pli autas spetgas. Ils giuvens interprets internaziunals sa profileschan tras ina performance attractiva cun furmas concertantas u improvisaziuns, represchentaziuns da solo ed en gruppa.

L’intendanta Graziella Contratto tscherna mintg'onn in nov tema per il program. Il public po giudair durant duas emnas inscunters interessants en lieus da concert extraordinaris. Uschia tutgan il concert en ina scrinaria ed il concert da giaschair sin ils vegls giaschaditschs da cura gia dapi onns tar il festival. Mintga stad envidan ils organisaturs in cumponist contemporan al festival a Tavau. Quel maina tranter auter l'uschenumnà «young composers workshop». A chaschun da quel vegnan represchentadas per l’emprima giada ovras da giuvens cumponists, e quai da lur collegas fitg talentads tuttina vegls.

Contact:
Davos Festival | Promenade 54 | CH-7270 Davos Platz | Tel. +41 81 413 20 66 | info@davosfestival.ch | www.davosfestival.ch

Infurmaziun per turists:
Davos Festival Hotels – nua ch’ils hoteliers chapeschan gist uschè bler da la musica sco dal pupragnar lur giasts! Reservai ina da las purschidas dal festival attractivas cun pernottaziuns, cartas da concert ed auter pli sut www.davosfestival.ch