Perlas culturalasVista detagliada

Graubünden Festival preschenta en ina da las pli bellas cuntradas dal mund auta cultura internaziunala. Snow and Symphony è la simbiosa perfetga da musica classica, sport d’enviern e d’art da viver cultivà. Ses pendant da stad Art and Symphony collia a moda unica l’art cun la musica.

Snow and Symphony envida l’enviern a concerts classics cun interprets renconuschids en tut il mund e giuvens talents. Ils lieus da represchentaziun singulars, sco las salas da mangiar dals Grand Hotels transfurmadas sur notg en salas da concert ubain las staziuns da muntogna e da trafo, integreschan las particularitads dal chantun Grischun a moda autentica en il project. L’atmosfera intima dals concerts e la vischinanza extraordinaria cun ils artists fan da Snow and Symphony in juvel en la cuntrada da festival internaziunala.

Art and Symphony è l'occurrenza che pledenta plirs senns: en ils museum e las galarias han lieu concerts excepziunals amez las ovras d’art classicas e contemporanas exponidas. In punct culminant dal festival è la Grand Gala Graubünden, ina notg cun musica da tut las spartas en in’atmosfera pumpusa.

Ils dus festivals, organisads da l’intendant Peter Aronsky, pon ins vesair en l’Engiadina-San Murezzan, a Tavau, Scuol, Lai ed a Cuira.

Contact:
Graubünden Festival | Via Stredas 12 | CH-7500 San Murezzan | tel. +41 81 834 46 46
info@graubuendenfestival.ch | www.graubuendenfestival.ch

Infurmaziun per turists:
Arranschaments da concerts per ils dus festivals pudais Vus empustar en ils biros turistics dals lieus da represchentaziun:
www.churtourismus.ch
www.davos.ch
www.lenzerheide.com
www.engadin.stmoritz