Perlas culturalasVista detagliada

L’art dal 20 e 21avel tschientaner, enramà d’ina architectura extraordinaria en ina cuntrada alpina.

Il Kirchner Museum Davos permetta al visitader da vesair las ovras da l’artist Ernst Ludwig Kirchner (1880–1938) en il lieu, nua ch'el las ha creà. Tavau e ses conturn han inspirà Kirchner per numerusas da sias lavurs impurtantas.

Cun la collecziun unica en tut il mund, l'archiv documentar voluminus davart la vita e l’ovra da l’artist, e la biblioteca davart l’expressiunissem è il Kirchner Museum Davos in dals pli impurtants lieus d’exposiziun e da perscrutaziun dal temp modern classic. Enconuschent è el era daventà grazia a l’edifizi da vaider, betun, atschal e lain, concepì dals architects Gigon/Guyer.

Il museum preschenta permanentamain parts da sia collecziun. Ultra da quai pon ins vesair sper Kirchner en exposiziuns spezialas era auters artists dal temp modern classic e contemporan.

Temps d’avertura:
mardi fin dumengia, glindesdi serrà
Nadal fin Pasca / fanadur fin settember: 10.00 – 18.00
Ulteriur temp: 14.00 – 18.00
Temps d’avertura actuals sut www.kirchnermuseum.ch

Contact:
Kirchner Museum Davos | Plazza Ernst Ludwig Kirchner | CH – 7270 Tavau
tel. +41 (0)81 410 63 00 | info@kirchnermuseum.ch | www.kirchnermuseum.ch