Perlas culturalas
Vista detagliada
Museum d’art dal Grischun Cuira
Ovras excellentas dad Angelika Kauffmann fin a Not Vital: en l’ambient privà da la Villa Planta a Cuira pon ins contemplar l’art grischun en tut sias fassettas.
Las lavurs e las gruppas d’ovras da la collecziun museala furman in dialog interessant tranter il «mund» e la «patria». Quai è ina caracteristica da l'art grischun. Artists impurtants èn ids viador en il mund per restar là u returnar (Angelika Kauffmann, Giovanni, Augusto ed Alberto Giacometti, Not Vital). Auters ha il Grischun attratg a moda magica, ed els han laschà enavos qua fastizs marcants (Giovanni Segantini, Ernst Ludwig Kirchner).
Uschia pon ins admirar en il Museum d’art dal Grischun in panorama impressiunant che resguarda tant il mund muntagnard grischun, sco era il mund artistic. Sper la collecziun permanenta mussa il Museum d'art dal Grischun mintg'onn parallelamain tschintg fin set exposiziuns temporaras ambiziusas e tematicamain zunt variadas.
Illustraziun: Alberto Giacometti, bist-purtret «Annette», 1961. Museum d’art dal Grischun. © 2008, Pro Litteris, Turitg
Exposiziuns dal 2010:
Jahresausstellung der Bündner KünstlerInnen, 13. Dezember 2009 bis 17. Januar 2010
Die vergessene Generation. Anny Vonzun zum 100. Geburtstag, 30. Januar bis 7. März 2010
Giovanni Giacometti. Farbe im Licht, 27. März bis 24. Mai 2010
fotoszene.gr. Albert Steiners Erben, 19. Juni bis 12. September 2010
Bianca Brunner. Manor Kunstpreis, 8. Oktober bis 21. November 2010
Director’s Choice. Die andere Jahresausstellung, 11. Dezember 2010 bis 30. Jan. 2011
Temps d’avertura:
mardi fin dumengia, 10.00 – 17.00, glindesdi serrà.
Contact:
Museum d’art dal Grischun | Plazza da la Posta | Chascha postala 107 | CH-7002 Cuira
tel. +41 81 257 28 68 | info@bkm.gr.ch | www.buendner-kunstmuseum.ch