Perlas culturalasVista detagliada

Il Grischun ha ina chasa per l’opera contemporana: a Riom sa chatta il sulet teater rumantsch dal mund, il marcant teater en il chastè, distinguì dacurt cun l'Anè da Hans Reinhart, l'«Oscar» dal teater svizzer.

Origen surpassa cunfins. Il festival collia il mitus arcaic cun l'interpretaziun moderna e la tradiziun culturala cun la voluntad per la furma contemporana. Las represchentaziuns vegnan dadas en tut las linguas chantunalas e tematiseschan la cultura rumantscha sin tribuna. Origen cumpiglia il chant gregorian per l’alva dal di, represchentà en ina baselgia claustrala carolingica, l'opera vocala scenica en il spazi sacral baroc, ils gieus cumediants sin las plazzas dal vitg caracteristicas e sper las rivas da lais verdas, e la finala il nov teater cun musica electronica en la fortezza dal temp medieval.

Nagut n’è però casual: la stad dal festival stat sut in tema che caracterisescha tut las occurrenzas ed avra novas perspectivas, per il solit giuvnas, a las tradiziuns. Origen sa deditgescha a l’experiment artistic che sa manifestescha en numerusas premieras – ed el è era il mussament per la vitalitad d’ina cuntrada alpina ch’è gia adina stada ina luentera culturala. Teater mundial per il 21avel tschientaner.

Contact:
Origen Festival Cultural | Chascha postala | CH-7460 Savognin | tel. +41 81 637 16 81 | info@origen.ch | www.origen.ch

Infurmaziun per turists:
Infurmaziuns davart offertas pauschalas, pernottaziuns en hotels e la prevendita survegnis Vus da las suandantas organisaziuns turisticas:
Savognin Turissem, tel. +41 (0)81 659 16 16, www.savognin.ch
Andeer Turissem, tel. +41 (0)81 661 18 77, www.viamalaferien.ch
Bergün Turissem, tel. +41 (0)81 407 11 52, www.berguen.ch
Lenzerheide Turissem, tel. +41 (0)81 385 11 20, www.lenzerheide.com